आज मिति २०८० माघ १२ गते शुक्रबार श्री खड्गकाली माध्यमिक विद्यालय चापाकोट-४, घुर्लिचौर, स्याङ्जामा बालक्लबको आयोजनामा अन्तरसदनात्मक नृत्य प्रतियोगिता सम्पन्न भएको छ ।
विद्यार्थीहरुको अन्तरनिहित प्रतिभा प्रस्फुटन गराउने उद्देश्यले शुक्रबारे कार्यक्रम अन्तर्गत सञ्चालन गरिएको उक्त नृत्य प्रतियोगितामा बाग्मती सदनबाट सोनिका सारु, कोशी सदनबाट दिपशिखा थापा, कर्णाली सदनमा एन्जिता खाण र गण्डकी सदनबाट अप्सरा खाँणले सहभागीता जनाएका थिए ।
प्रतियोगितामा कोशी सदनले प्रथम स्थान हाँसिल गरेका छन् । द्वितीय हुन सफल सदन कर्णाली रहेका छन् भने तृतीय र सान्त्वना स्थान हाँसिल गर्न सफल सदनहरु क्रमशः गण्डकी सदन र बाग्मती सदन रहेका छन् ।
निर्णायक मण्डलको रुपमा शिक्षकहरु उम बहादुर गुरुङ (बिकास), कोपिला केसी रोका र संगिता पौडेल रहनुभएको थियो भने अन्य शिक्षकहरुले सुपरिवेक्षकको भूमिका निभाउनुभएको थियो । प्रतियोगी विद्यार्थी बाहेक अन्य विद्यार्थीहरुले पनि आकर्षक नृत्य प्रस्तुत गरि कार्यक्रमलाई अझ रौनकता प्रदान गरेका थिए ।
बाल क्लबको सचिव सिता थापाद्वारा सञ्चालित उक्त कार्यक्रममा प्रमुख अतिथी प्र.अ. लेस बहादुर खाँण र सभापतिको रुपमा बालक्लबको अध्यक्ष कक्षा ८ को छात्र दिवान रनपाल रहेका थिए । नृत्य प्रतियोगितामा उत्साहको साथ सहभागी भई विभिन्न स्थान सहित विजयी विद्यार्थीहरुलाई प्र.अ. लेस बहादुर खाँणले बधाई ज्ञापन गर्दै व्यक्तिगत रुपमा पुरस्कृत गर्नुभयो ।
