खड्गकाली मा.वि.मा अन्तरसदनात्मक नृत्य प्रतियोगिता सम्पन्न
विद्यार्थीहरुको अन्तरनिहित प्रतिभा प्रस्फुटन गराउने उद्देश्यले शुक्रबारे कार्यक्रम अन्तर्गत सञ्चालन गरिएको उक्त नृत्य प्रतियोगितामा बाग्मती सदनबाट सोनिका सारु, कोशी सदनबाट दिपशिखा थापा, कर्णाली सदनमा एन्जिता खाण र गण्डकी सदनबाट अप्सरा खाँणले सहभागीता जनाएका थिए ।
निर्णायक मण्डलको रुपमा शिक्षकहरु उम बहादुर गुरुङ (बिकास), कोपिला केसी रोका र संगिता पौडेल रहनुभएको थियो भने अन्य शिक्षकहरुले सुपरिवेक्षकको भूमिका निभाउनुभएको थियो । प्रतियोगी विद्यार्थी बाहेक अन्य विद्यार्थीहरुले पनि आकर्षक नृत्य प्रस्तुत गरि कार्यक्रमलाई अझ रौनकता प्रदान गरेका थिए ।
बाल क्लबको सचिव सिता थापाद्वारा सञ्चालित उक्त कार्यक्रममा प्रमुख अतिथी प्र.अ. लेस बहादुर खाँण र सभापतिको रुपमा बालक्लबको अध्यक्ष कक्षा ८ को छात्र दिवान रनपाल रहेका थिए । नृत्य प्रतियोगितामा उत्साहको साथ सहभागी भई विभिन्न स्थान सहित विजयी विद्यार्थीहरुलाई प्र.अ. लेस बहादुर खाँणले बधाई ज्ञापन गर्दै व्यक्तिगत रुपमा पुरस्कृत गर्नुभयो ।
सामाग्रीको प्रकृति : कार्यक्रमहरु समाचार
Khadgakali School
यस वेबसाईटका सम्पूर्ण सूचना, विज्ञप्ती, लेख वा अनलाइन सामाग्रीहरू श्री खड्गकाली माध्यमिक विद्यालय, चापाकोट-४, (घुर्लिचौर) स्याङ्जाको विद्यालय प्रशासनद्धारा प्रकाशित गरिएको हो । यदि कुनै समस्या वा जिज्ञासा भएमा तथा लेखमा कुनै त्रुटी औंल्याउनुभएमा हाम्रो सूचना अधिकारीलाई सम्पर्क गर्नुहोला ।
- Khadgakali School
- चापाकोट-४, (घुर्लिचौर) स्याङ्जा
- office@khadgakali.edu.np
- +9779762749881
Post a Comment